Paco's interview of Steven vid link1; vid link2
vid uploaded: 2010/1/25 下午 06:32:05
related material-Paco's Eastweek column
主持：黄栢高
统筹：林永匡 协力：彭燕燕、袁东亮、罗鸥
source: headline news ; hkchannel; SM baidu
破格圍村仔贏民心 住家男節目揭底牌 馬浚偉：我最叻煮中菜
2010年1月25日
 |
| ※马浚伟在刚播毕的剧集中，一改过往形象，扮演一个不修边幅的围村仔，结果成功得到观众认同；他又在新主持的节目中，大展厨艺，要让大家知道，马浚伟原来是个住家男。 |
※马浚伟今年再战乐坛，头炮与钟嘉欣合唱剧集主题曲。
※由马浚伟主持的节目《大厨出马》会邀请多位嘉宾分享烹饪心得。
~~Chinese article~~
在我眼中，馬浚偉是很有原則的人，做事認真。要知道，有原則不代表固執，兩者有很大分別；馬浚偉是前者，那份發自內心的親和感，讓你不會討厭他，換句話說，這是觀眾緣。剛播完的《老友狗狗》，觀眾看到馬浚偉另一面，「躝癱」形象令人又愛又恨，新主持的節目《大廚出馬》更令人意想不到，馬浚偉原來是住家男，愛下廚煮中菜，還估不到的是，今天的馬浚偉會大方談論感情生活，人生大計。主持：黃栢高 統籌：林永匡 協力：彭燕燕、袁東亮、羅鷗
我認識的馬浚偉做事認真，為演《老友狗狗》的「躝癱」，不惜轉型，斯文乖仔變成電視熒幕前的鬈髦踢拖圍村仔，開口埋口懶音粗口，令角色更立體。
「其實個角色都幾似我以前，死牛一面頸，成日覺得自己睇到嘅就一定啱。記得當初收到劇本，同監製傾，佢話要我放低昔日嘅馬浚偉，要破格，要曬黑啲，鬈髦短褲，永世踢住對人字拖，咁先似圍村人。我仲請教陳灶良議員（大埔區區議員），佢係圍村村長，教我講圍頭話，但唔可以咁短日子學足，所以自己就改少少，講嘢唔正，有懶音，再將部份圍頭話錄落部手機度，埋位前速讀。拍攝過程真係好好玩，有時趁無女仔在場排戲，仲會爆下粗，似到十足。同鍾嘉欣合作幾次，好錫佢，當佢妹妹，如果佢可以演得再放啲，我相信對佢會更好，你知啦，導演永遠唔會知道你有幾多，只會要求你畀多啲，唔放膽演點得！」
乘勢再戰樂壇
馬浚偉，唱家班出身，當年我一手提攜他，結果一炮而紅，成績有目共睹，事隔17年，今年馬仔再戰樂壇，頭炮作是拖鍾嘉欣合唱《老友狗狗》主題曲，氣氛輕快、有節奏，完全捉到觀眾注意力。
「講開真係要多謝Paco，半年前做訪問，係你鼓勵我再唱歌的，今次首歌節奏好快，歌詞好急，好多粒音，錄音時直頭驚會咬到自己條脷，不過又真係有好多觀眾支持，尤其係小朋友。話時話，當年發夢都估唔到你會安排蘇永康、林子祥幫我做監製，又安排葉倩文同我合唱，講緊嗰時莎麗仲係好活躍嘅一線歌手，遺憾嘅係自己當時未有把握未成形，唔知道點去做歌手。今日你再講，只要堅持，唔好放棄唱歌，總有自己嘅代表飲歌，聽到真係好開心，隻碟好多細節未定實，但可以肯定今年內推出。」
觀眾爭睇住家男
新節目《大廚出馬》迴響大，人人爭住睇馬浚偉做住家男，落手落腳煮名廚撚手菜，節目出街先拔頭籌，打破無綫周三晚低收視紀錄，從14點彈升至19點，約119萬觀眾爭睇。
「個概念係舊年同無綫傾續約時度的，節目成功，幕後手足功不可沒，節目分兩Part，每集都會請一位名廚介紹自己首本名菜，由我去煮，無食譜無得教，由我自由發揮，第二Part就當大廚副手，即席煮一道菜畀嘉賓品嚐，集集嘉賓都係自己友，寶珠姐已播出，還有家燕姐、鄭則士夫婦、趙曾學蘊、米雪、菊姐等等，大家食下又分享下煮食心得，暫定13集，我最希望將來添食拍第二輯可以出埠，去法國、意大利等地，見到咩煮咩，肯定會好正。」
愛心餐冧女
說到感情生活，愛下廚的馬仔會坦白告訴你，他會煮愛心餐氹女友，與女友感情穩定，還開始計劃結婚、組織家庭，不過，計劃還計劃，穩陣派的他依然講得小心，免得開錯期票。
「我自己真係鍾意煮食，最叻中餐，梅子酸薑魚雲、中式炒牛柳等，其實煮咩都好，最緊要食材新鮮，做藝人有樣好，去到街巿，老闆總會畀最好的你，買魚頭，一定係新鮮即劏，唔係冰鮮雪藏貨。我上次親手煮燭光晚餐畀女友，點埋兩支紅色洋燭，係中菜海鮮餐，第一道菜係海斑，跟住係鮑魚、帶子、炒菜，擺上枱，好似唔夠浪漫，但佢食得好開心，Paco講得啱，咩都係假，最重要係同邊個食。至於計劃，都想盡快組織家庭，我意思係結婚生仔同步進行，唔想同個仔有太大隔膜，當務之急係搵多啲錢，我好穩陣，唔會去投資，只會放定期，我亦唔賭錢，啲錢好辛苦搵，點可以攞去賭，所以結婚做人大計都要計劃清楚。」Paco 馬浚偉
No comments:
Post a Comment