[3 Weekly] Steven Ma: Next Station, the Heavenly Kingdom

pix source1 source2

Note: All I can say about this news is that thank heavens Steven can and will finally let go of his mother and stop grieving her death, and be able to completely move forward in life.  Hopefully, the renovation of his mother's bedroom/shrine is the symbolic tearing down of the guilt wall he had built around himself all these years. I was honestly perturbed when I first found out from a 2009 news that "Steven lives with his older sister and brother-in-law.[...] His father, used to his old residence, does not want to move in. Another room is reserved for his mother. The forest may be still but the winds blow unceasingly in it; the son yearns but the loved one is gone. (子欲养而亲不在) Steven personally chose the original wallpapers for her room and adamantly refuses to have it replaced. That room is off limits to all as it remains forever his mother's."

A separate news report affirms the above info: "though Steven's mother has passed away for almost ten years now, he still keeps her bedroom in its original state; it still has the original mattress and the original bedroom set". 

And now I'm truly happy for Steven that he will tear down that shrine of a bedroom imbued with guilt, regrets and sadness, and turn it into a cheerful place of hope, not loss.

[我將為媽媽而設的裝修全部拆晒，重新裝修，因為我想將我屋企變成一個喜氣洋洋的地方..]

Goto fb link for the full English translation by another SM fan.
~~ Chinese news~~~~~~


source
3週刊 第799期
留星語: 下一站天國 馬浚偉

馬浚偉（馬仔）的新片叫《下一站·再愛你》。但作為一個教徒，下一站，無論是往北京開戲還是回巢無綫拍劇，再還是結婚生仔去名校排隊攞籌，真正的「下一站」，始終是天國。

去天國，即係去死。

對於死亡，馬仔沒有啋完吐口水嗌大吉利是，他認為，死亡， 是人生過程的其中一環，總會發生在任何人等身上，如果死亡是悲劇，這個世界所有事物或劇種，都是悲劇。以馬仔對死亡的演繹， 《下一站·再愛你》的女主角楊紫嫣，最終因癌症離世，雖然不至於是喜劇，但也無需悲痛揼心口，皆因人離開了臭皮囊，只不過搭車去了下一站、落車搭了程飛機，然後唔知移民了去邊度啫。

在香港拍福音電影，票房同去天國簡直沒甚分別，但教徒才不會如斯市儈，他們說的是過程，「人始終都會離開，問題死唔係最可怕，你如何活著才是最重要。

《下一站》正正就係想講呢樣嘢，我哋有信仰，死亡只不過係一個階段，死後我哋會返去天國，我哋會得到永生，會遇番晒我哋的朋友、親戚、家人。呢套戲講的，兩夫妻之間關係、感情，當妻子遇到疾病的挑戰，而呢兩夫妻都守規相助，佢哋係幸福。

「現今的婚姻，好脆弱，尤其是內地，佢哋結婚結得早，十八、九歲就結婚， 廿一、二歲就做父母，大家都仲細，大家都未定性，生個細路，真係可以照顧得到？《下一站》，唔係說教，我哋想講的，係誓言。當兩個人結婚之時，一齊誓言過一齊共患難，無論富貴疾病，都要愛護對方，𠵱家到底有幾多個人真係做到？要大家明白，結婚誓言唔係講過就算，離婚率高，係會直接影響到社會運作。父母離異，個細路得閒由阿媽帶，或者阿爸睇三幾個月，更甚者，要入住孤兒院。兩個人冇或唔識尊重婚姻，後果可以影響好大。」

人生階段

「我多年來都有心臟神經短路，同心律不正唔同，不過我長期都袋住包藥，以防萬一。我長期做大量運動，又戒煙戒酒，其實情況已經改 善好多，不過跑步都要帶住心跳帶，醫生吩咐過我，心跳最多只可以維持於150左右，有次我跑步維持喺200左右一段時間。我差點休克。

「我𠵱家真係唔驚死，當然，都會驚點死，死得好辛苦，咪好辛苦囉，但如果可以死得快靚正，都係一種福氣。害怕死亡，每個人都會，而事實上，大多數人都係唔捨得離開呢個世界居多。但自從有了信仰之後，死亡只不過係一個人生階段，最終我哋會去到天國，同神一齊，仲會見番朋友、親戚同家人。」

馬仔最希望見到的家人，當然是馬仔的母親。

99年，馬仔的母親患癌病面臨生死關頭，醫生說，馬母必需要做手術，不然，分分鐘活不到一星期。馬仔當然事必要說服母親動手術。「我媽媽唔想做手術，話我點解推佢去死。我真係好心痛，我點會想推佢去死？做手術，有可能活得久，不做手術，分分鐘活不過一星期。想著想著，我喊起來，媽媽見我流眼淚，心軟了，答應了做手術。當晚做過手術，看著護士推她出手術室，我陪她進了病房，手術後她身體虛弱，但仍大家眼神交流著，她向我點 了點頭，我相信情況已好轉了。當晚凌晨四點幾，醫院打來，我媽媽急性肺炎過身了。」

全新裝修

「自始我開始自責起來，究竟係咪真係我推咗我阿媽去死？我好自責，雖然真係冇人怪我，大家亦知唔係咪我害到媽媽，但多年來，我媽媽呢件事，我一直唔敢去觸碰。

直至去年聖誕，我於教會（基督教），面對住三、四百個弟兄姊妹，我首次當住咁多人面前做見證，提起我媽媽件事，我唔再逃避，坦然地去面對。

呢幾年我改變了好多好多，我戒煙戒酒，除了工作，我每晚十一點前就上床瞓覺，要我去卡拉OK、酒吧傾嘢？咁我情願有錢都唔賺。同朋友亦冇去夜場，一來我去到又唔飲又唔搓拳，乾坐搞到班朋友都唔好意思。夜晚去玩班朋友的確少了見面，但日頭活動跑步、打波的朋友又多番，冇蝕到。除咗坦然面對媽媽件事、戒煙戒酒之外，仲有一樣好神蹟之事發生我身上，就係我人生最怕的曱甴，唔知點解，我𠵱家一啲都唔驚。

「我媽媽病重時，為了方便去睇醫生，我喺醫院附近買屋，全屋裝修都係為我媽媽而設，揀佢喜歡嘅顏色，四周團都係扶手，方便佢行動。但最終媽媽都冇機會喺新屋住過，佢離開之後，我想保留一啲對媽媽嘅回憶，冇諗裝修間屋，直至最近，我開始裝修間屋，因為我已經僅得去面對我媽媽離開的事實。

坦白從寬

「我將為媽媽而設的裝修全部拆晒，重新裝修，因為我想將我屋企變成一個喜氣洋洋的地方，仲會將廚房整得好靚，我冇請工人，所以將間工人房都打通，𠵱家連廚房裡都有個食嘢的地方，我相信我一定會好珍惜我喺廚房煮嘢食的機會。

「我𠵱家對每一事一物都好珍惜，以前我只會盡力對朋友好、對屋企人好，自己永遠排在最尾，原來咁做毫無益處，自己承受得多，會有壓力，會有唔開心，原來只有學識對自己好，先可以真正了解到點樣對人好。

不打妄語

對自己好，對人好，都必需要坦白，宗教教識我唔應該講大話，所以無論你錫一個人也好、嬲一個人都好，都應該要講出來。你嬲了一個人，又唔同人講，自己悶喺心裡面，又冇咩好處。講咗出來，可能會發現，錯不在對方，可能係一場誤會，大家又可以重拾番之前嘅關係。

是就是，不是就不是，神唔俾我講大話。但我依然有唔鐘意嘅人，但我唔憎恨別人。咁即係會唔會原諒對方？會，但原諒咗，唔代表我可以鐘意某個我唔鐘意嘅人，我信神，但我唔係神。真正傷害過我啲人，好難當咩事都冇發生過。」

後記：人終歸總要 死一次

死亡，並不可怕，因為面對必然會發生的事，到底有甚慶可怕？

再者，教徒如馬仔般，死後上天國，更無甚可怕。

怎知在場有人問：「你點知你將來一定上天國？」

馬仔仰天打了個哈哈，「我的信仰係要我哋承認錯誤，我們每天都會做錯事，只要肯認，天父就會原諒我哋，將來．我哋就可以上天國。」

即使非信徒如筆者的，都唔使驚，只要大家心中都有個共同偶像，林子祥，一齊豪氣啲面對：「人終歸總要死一次！」